24 enero 2017

Preguntas do PSdeG- PSOE de Arteixo ante a próxima apertura da Residencia de Maiores construida pola Fundación Amancio Ortega


PREGUNTAS ESCRITAS

En nova aparecida na páxina da Xunta de Galicia e resumida na páxina do Concello, o Alcalde de Arteixo e a Concelleira da área de Benestar mantiveron reunión co Conselleiro de Política Social onde abordaron, entre outros temas, a futura integración da Escola Infantil de recente construcción na rede da Galiña Azul. Aludían tamén ás horas de SAD adxudicadas a Arteixo así como ó Plan Concertado e a un futuro aumento de persoal ó abeiro deste plan. Porén, lemos con preocupación que non se cita en absoluto a residencia de maiores construída conxuntamente coa escola infantil. A este Grupo Municipal venlle chegando rumores e consultas sobre a residencia de maiores e, en concreto, coa necesidade de anotarse nunha coñecida empresa adicada ó coidado dos maiores para poder optar a un posto de traballo na devandita residencia. 

Por iso, o Grupo Municipal Socialista realiza as seguintes preguntas:

Cando está prevista a posta en funcionamento da escola infantil e a residencia de maiores?

A Xunta de Galicia iniciou xa os trámites para a apertura de ámbo-los dous servizos?
Na reunión co Conselleiro de Política Social acordouse algo en relación coa residencia de maiores?

Que número de prazas residenciais e de centro de día están previstas?

Na residencia de maiores e no centro de día haberá reserva para a veciñanza de Arteixo?

Que hai de certo nos rumores que falan da empresa Geriatros como a adxudicataria do servizo da residencia de maiores?

No hay comentarios :

Publicar un comentario

¡Animamoste a comentar! Se deixas algunha forma de contactar contigo, poderemos responder.