26 enero 2015

Martín Seco García (Candidato do PSdeG-PSOE á alcaldía de Arteixo): “Ante a opacidade do goberno do Partido Popular de Calvelo, o PSdeG-PSOE aposta pola transparencia e participación publicando na nosa web, o documento dos presupostos de 2015, actualmente en trámite de exposición pública”



O Grupo Municipal Socialista solicitoulle en varias ocasións ao Grupo de Goberno do PP, que publicara o documento de Presupostos para 2015 na páxina web do concello, para que calquera cidadán do noso concello puidera ver onde se invisten os seus cartos e poidan avaliar a posibilidade de facer alegacións a este documento se fose o oportuno.

Dende o PSdeG-PSOE xa anunciamos en multitude de ocasións, que se o goberno local non publicaba na páxina web de todos, o contido do documento de presupostos para o 2015, actualmente en trámite de exposición pública, seríamos nós os que o publicaríamos na nosa web.

Mentres o Goberno de Calvelo pecha unha das lexislaturas máis opacas e cun retroceso evidente da Participación Cidadá, dende o Partido Socialista en Arteixo, a transparencia na xestión pública e a participación cidadá, son os eixes básicos e un dos compromisos máis importantes coa nosa cidadanía cara o mes de Maio, e debemos de ser extremadamente coidadosos en levar a cabo as accións que acompañen a esa declaración de intencións.


Hoxe publicamos o presuposto de 2015, como comezo de algo que nos comprometemos a facer dende a web do concello, se no mes de Maio temos a posibilidade de gobernar para os veciños de Arteixo, publicar e informar de absolutamente todo o que sucede no noso concello.

Podedes pinchar abaixo cada un dos capítulos do presuposto e abrilos en pdf. 


PRESUPOSTOS 2015



1 Memoria de Alcaldía
2. Bases de Execución
3 Cadro de Persoal e RPT
4 Proposta de Alcaldía
5 Liquidación 2013 y avance 2014
6 Informe Económico Financiero
7 Informe de Intervención
8 Anexo de Investimentos

No hay comentarios :

Publicar un comentario

¡Animamoste a comentar! Se deixas algunha forma de contactar contigo, poderemos responder.